Die kursus bestaan uit vyf modules. Jy sal in-diepte kursusnotas deur middel van e-pos ontvang. Na elke module sal jy versoek word om skryfoefeninge te doen. Die kursus bestaan uit ՚n totaal van veertig kort take en elkeen van hierdie tel tot die uitkoms van jou finale punt. Sodra take voltooi is en per e-pos na jou studieleier gestuur is sal assessering en terugvoer plaasvind, waarna jy die volgende module by ons studentesentrum kan aflaai.

Absoluut. Jy het direkte kommunikasie met jou studieleier regdeur die loop van die kursus. Meer vrae beteken dat jy die maksimum voordele uit hierdie kursus sal trek.

Jy sal lewenslange toegang verkry, sowel as enige toekomstige opdaterigns en verbeterings aan die kursus.

Vir die grootste deel van al ons kursusse sal slegs jou mentor jou werk sien. Dit bly privaat totdat jy belsuit om dit te laat publiseer. Die skryfstukke van die joernalistieke kursus mag dalk in die publieke domein gepubliseer word, maar jy het steeds die finale sê.

Studente sal ՚n SA Writers College Sertifikaat kry indien hulle die kursus voltooi en aan die volgende vereistes voldoen:

• Studente moet al veertig take voltooi
• Die kursus moet binne vier maande vanaf registrasie voltooi word.
• Studente moet ՚n minimum van 50% behaal.

• Basiese skryfvaardighede is noodsaaklik.
• Basiese rekenaarvaardighede, e-pos en internet toegang word benodig.
• Geen vorige tersiêre kwalifikasies word vereis nie.
•  

Omdat jy met ՚n individuele studieleier sal werk, kan jy enige tyd van die jaar aansoek doen om met jou kursus te begin. Daar is nie spesifieke begindatums soos by tradisionele instansies nie.

՚n Aansoek word gewoonlik binne een werksdag goedgekeur. Sodra ons jou bewyse van betaling ontvang het, kan jy wegspring met jou kursus.

Daar word geen navorsing benodig vir hierdie kursus nie, slegs beplanning en skryf. Jy bepaal jou eie spoed en behoort die kursus binne vier maande te voltooi (met ՚n ekstra 21 dae indien jou kursus oor Kersfees en Nuwejaar strek).

Jy is welkom om die kursus vroeër te voltooi, maar ons wil nie hê dat jy die proses afjaag nie!

Sodra ՚n applikasie goedgekeur is sal jy ՚n e-pos met ՚n faktuur ontvang. Nadat ons die bewys van betaling ontvang het sal ons die eerste module per e-pos stuur. Jy sal ook jou studieleier se e-pos adres en jou aantekenbesonderhede ontvang. Jou studieleier sal jou kontak om jou te verwelkom.

Enige werk wat jy tydens ՚n kursus skep behoort aan jou. Ons sal nooit ՚n eis instel tot enige iets wat jy vervaardig nie. Ons werk volgens die reël dat alle kopieregte die skepper s’n bly (dis nou jy).